meri jageer ho jao,
meri taqdeer ho jao
main tum ko khvab mein dekhon,
meri tabeer ho jao
meri khaakon mein ghull jao,
meri soocho se mill jao
mere rangon mein dhal jao,
meri tasveer ho jao
bohot bezaar beethi hoon,
main sub kuch har bethi hoon
mujjay umeed do koi,
meri tadbeer ho jao,
tumhain jo kho diya main ne,
mujjay manzil se kia matlab
mere uthtay hovay qadmon ki
tumhii zanjeer ho jao
main ik gumnaam shayera hon,
ik nakaam musannifa hoon
mera deevan ban jao
meri tafseer ho jayo
No comments:
Post a Comment